Tres la lluviosa xornada que vivimos esti martes onde se llegó a superar los 40 llitros per metro cuadráu en dellos puntos d’Asturies como foi’l casu del conceyu de Piloña, esti miércoles esperamos unes condiciones meteorolóxiques muncho más estables. Los cielos van tar pocu nublos con, a lo sumo, intervalos de nubes altes ensin importancia. La probabilidá de precipitaciones va ser nula. Los vientos espérense fluexos con enclín a afitase de sur a la fin del día. Les temperatures máximes van xubir de forma xeneralizada. Na metá sur van xubir hasta 5 o 6 ºC más que les anotaes del martes, ente que na metá norte van xubir hasta 3 o 4 ºC más. Les temperatures mínimes, sicasí, van baxar llixeramente na mayor parte del territoriu asturianu.
El xueves va ser un día marcáu polos fuertes de vientos de componente sur que van consiguir xubir tantu les mínimes como les máximes. Ye por ello polo que mañana vamos esfrutar d’un ambiente térmico bien prestosu teniendo en cuenta que vamos tar a 18 d’avientu. En cuanto al estáu de los cielos para mañana, van tar estenaos de primeres pero van aumentar les nubes pela tarde ensin refugase precipitaciones na recta final. Per otru llau, a partir del mediudía del xueves activaráse l’avisu mariellu na mar por foles d’hasta 5 metros d’altor.
