Esperamos un día marcáu polos vientos de componente sur que van soplar dende primer hora del día. Les raches van ser moderaes pero tamién van poder rexistrase raches localmente fuertes especialmente nel cordal mientres les hores centrales de la xornada. Gracies a estos vientos de sur les temperatures van xubir tantu nel casu de les máximes como, especialmente, el de les mínimes. Les diurnes van esperimentar un ascensu llixeru, pudiendo ser moderáu na mariña. Les mínimes van xubir de forma xeneralizada y notablemente cuidao que se preve que sían hasta 6 ºC más altes que les anotaes del miércoles.
En cuanto al estáu de los cielos, la mañana va presentase soleyera, pero a lo llargo de la tarde van aumentar les nubes l’oeste y van dise estendiendo a otros puntos de la rexón. Esta nubosidá va dexar precipitaciones nel occidente y nel cordal, ensin refugase que puedan escapase delles agües na zona central. Per otru llau, va tar activáu l’avisu meteorolóxicu na mariña por foles. De 9 a 12 hores del mediudía l’avisu va ser mariellu por foles d’hasta 4 o 5 metros d’altor, y a partir de mediudía y hasta el final de la xornada, l’avisu va ser de nivel naranxa por foles d’hasta 6 metros d’altor.
Más info: https://f.mtr.cool/rltkfbpqvw