Va ser un día bien inestable n’Asturies. Los cielos van tar bien nublos o cubiertos con precipitaciones xeneralizaes que van ser más abondoses pela mañana. A lo llargo de la tarde van dir a menos hasta’l puntu d’acabar unviando a la fin, especialmente nel occidente y nel centru. La cota de nieve va rondar los 1100/1200 metros aprosimao en cualquier momentu del día. Los vientos van soplar de noroeste-norte con raches moderaes na mariña y fluexes nel restu. Na mar va tar activáu l’avisu naranxa hasta medianueche per posibilidá de foles d’hasta 6 metros d’altor. Les temperatures van baxar de forma xeneralizada hasta 5 o 6 ºC menos que les anotaes el xueves. Les mínimes tamién van baxar, siendo’l descensu muncho más significativu na metá occidental asturiana. El sábadu preve estabilidá pela mañana y primeres hores de la tarde. Pero’l pasu d’un nuevu frente fríu a lo llargo de la tarde va dexar abondosa nubosidad y precipitaciones con nieve a partir de los 800 metros a la fin del día. Na mar entá va tar activáu l’avisu por aguaxe mientres la madrugada del sábadu. Dichu aviso – yá de nivel mariellu – va concluyir a les 8 de la mañana.
