Esperamos una mañana estable con cielos pocu nublos o, a lo sumo, con nubes de tipu altu ensin importancia. Pero a partir del mediudía va entrar nubosidá pol occidente que se va dir estendiendo al restu de la rexón pela tarde. Estes nubes van dexar precipitaciones con mayor frecuencia nel occidente y nel cordal. Comoquier, nun se refuga que puedan escapase dellos bastios en momentos puntuales n’otres zones del Principáu. La cota de nieve va empezar sobro los 1300 o 1400 metros y va dir baxando hasta los 1000/1100 metros antes de medianueche.
Na madrugada del domingu la cota va siguir baxando hasta asitiase sobre los 700/800 metros. Tocantes a los vientos, van soplar de suroeste que podríen rexistrar raches moderaes en zones altes del cordal y tamién nel terciu oeste asturianu. Les temperatures máximes van xubir llixeramente ente que les mínimes van esperimentar un descensu que va ser más significativu nel sector central.
El domingu va ser un día bien fríu nel que nun van abondar les precipitaciones pero nun se refuga dalgún bastiu irregularmente partíu que dexaría nieve a partir de los 700 metros. Les temperatures máximes van baxar de forma xeneralizada y les mínimes van baxar namá nel oriente. Cabo destacar l’avisu mariellu que se va activar el domingu na mar por foles d’hasta 5 metros d’altor
