Esperamos una xornada relativamente estable anque nun se refuguen dellos bastios que podríen ser más probables en zones costeres. Los cielos van tar con cierta nubosidá anque, por momentos, tamién se van abrir claros. Los vientos van soplar d’oeste-suroeste fluexos con raches moderaes especialmente na mariña. La cota de nieve va rondar los 700/800 metros pero nun s’esperen nevaes importantes mientres el día. Les temperatures van ser llixeramente un pocu más altes nel casu de les máximes pero, asina tou, va ser un llunes bien fríu en tol Principáu. Les mínimes van ser bien pareyes a les del domingu o, sía que non, tamién podríen xubir un pocu. De 11 a 18 hores va tar activáu l’avisu mariellu na mar por aguaxe d’hasta 4 o 5 metros d’altor y, amás, por raches significatives de vientu.
El martes vamos tener nubes y escamplaes pela mañana y un aumentu de la nubosidá en toa Asturies a lo llargo de la tarde. Les precipitaciones van ser débiles pero probables mientres la segunda parte del día. La cota de nieve va rondar los 1100 o 1200 metros.
Para Nuechebona vamos tener cielos nublos y agües débiles.
El día de Navidá va ser xuna xornada realmente xeliza con precipitaciones que podríen dexar nieve a partir de los 400 o 500 metros pela tarde.
