Esperamos un día cargáu de nubosidá n’Asturies que va dexar precipitaciones de calter débil y esvalixáu a lo llargo de la xornada. La cota de nieve va rondar los 1000 o 1100 metros d’altor pero van ser nevaes bien débiles y pocu importantes. Los vientos van ser fluexos polo xeneral. Les temperatures van ser bien similares a les del llunes. Sía que non, podríen xubir llixeramente nel occidente del Principáu tantu les máximes como les mínimes.
El miércoles, día de Nuechebona, prevense cielos bien nublos con precipitaciones que van ser débiles escontra l’interior y posiblemente moderaes na mariña central y oriental de la rexón. Los vientos van soplar de nordeste fluexos con delles raches daqué más significatives na mariña. La cota de nieve va tar asitiada sobro los 1300 o 1400 metros d’altor. Les temperatures máximes nun van variar respectu al martes, y les mínimes van xubir nel oriente ente que se van caltener nel restu. Vamos Notar na recta final del día como xuna masa d’aire frío va entrar pol oriente consiguiendo baxar más les temperatures.
El xueves, día de Navidá, va ser un día bien fríu con precipitaciones xeneralizaes y nevaes que van dir viéndose cada vez en cotes más baxes cuidao que, pela tarde, acabará asitiándose la cota en redol a los 400 o 500 metros.
