Xelaes y cielos asoleyaos. Estes xelaes van ser débiles na metá norte, moderaes nel restu salvu en puntos altos del cordal onde podríen aportar a fuertes. El xueves foi un día bien fríu nel que les máximes rondaron los 9/11 ºC na mariña, y per debaxo de los 8 ºC nel interior. Por casu, n’Uviéu’l mercuriu nun pasó de los 6,9 ºC en tou la xornada. Esti vienres vamos amanecer con xelaes xeneralizaes salvu na mariña. Estes xelaes van ser débiles na metá norte, moderaes nel restu salvu en puntos altos del cordal onde podríen aportar a fuertes. Concretamente, hasta les 10:00 hores de la mañana entá va tar activáu l’avisu mariellu en zones altes del sur asturianu por posibilidá de rexistrar temperatures d’hasta -6 ºC n’amplies zones. Pa esti vienres, les máximes van xubir ente 2 y 3 ºC en tola Comunidá Autónoma. En cuanto al estáu de los cielos, esperamos poco nubosidá polo que’l sol va ser el claru protagonista. Los vientos van ser fluexos polo xeneral.
El sábadu tamién se preve un día soleyeru con unes temperatures máximes que, nuevamente, volverán xubir un par de graos más. Pero les mínimes apenes van variar (a lo sumo dellos ascensos bien llixeros) polo que volveremos amanecer con xelaes n’Asturies. Finalmente, vamos concluyir la selmana con un domingu que tamién va ser soleyeru.
