Esti sábadu esperamos tamién enforma fríu ya igualmente xelaes, anque se preve un ascensu llixeru de les temperatures mínimes. Concretamente, espérase que xuban ente 1 y 2 ºC a lo sumo tanto nel centru como nel oriente asturianu, ente que nel occidente ye posible que se caltengan ensin grandes cambeos respecto al vienres. Les máximes van xubir ente 2 y 3 ºC en tol Principáu d’Asturies. En cuanto al estáu de los cielos van tar soleyeros cuidao que apenes s’espera nubosidá. Los vientos van ser fluexos con raches moderaes na mariña pela tarde de componente este. Tamién ye posible que puedan rexistrase delles raches d’intensidá moderada en zones altes del cordal.
El domingu vamos concluyir la selmana tamién con cielos soleyeros, anque nun se refuguen delles nubes altes namá mientres la mañana. Les temperatures máximes podríen xubir un pocu al respective de güei, y les mínimes sí que van xubir de forma más significativa.
