Vamos amanecer con dellos intervalos de nubes medies y altes. Pero a lo llargo de la mañana vamos reparar como estes nubes van dir desfaciendose hasta dexar los cielos prácticamente estenos al mediudía. Con éses tola segunda metá de güei va tar marcada per unos cielos llimpios de nubosidá y, evidentemente, la nula probabilidá de precipitaciones. Los vientos van ser fluexos polo xeneral, pero nun se refuguen delles raches moderaes en zones altes del cordal mientres la mañana y nes hores centrales. Les temperatures van xubir llixeramente tantu nel casu de les máximes como nel de les mínimes. L’ambiente va ser fríu pero con estos pequenos ascensos, yá van tar les temperatures bastante alloñaes de les que se llegaron a anotar el día de Navidá o’l vienres 26.
El llunes vamos empezar la selmana con una xornada na que va predominar la nubosidá de tipu mediu y alto mientres prácticamente tol día. Asina tou, van ser nubes insignificantes que nun van dexar precipitaciones en nengún momentu. Los vientos van ser fluexos y variables. Les temperatures apenes van variar polo que van ser bien similares a les que vamos tener güei domingu.
