- Alborecemos col cielu nuboso ya con unes temperatures que tan alrodiu de los 11ºC, rexistrándose nel puirtu Payares 3,7ºC
- Güei vamos tener precipitaciones intermitentes a lu llargu la mañana pa remitir pela tarde cuando van abrise dellos claros o abancios. Les temperatures en descensu moderáu y la nieve surdirá nes cumes más altes, perriba de los 2000m.
- Mañana xueves alboreceremos con escasa nubosidá, sicasí van surdir nublines y borrinos no fonderu los valles con unes temperatures mínimes en descensu, mentantu les másimes puen subir dalgo.
- El vienres vamos tener un día pasáu por agua con xarabatos frecuentes de calter moderáu que puen llegar a ser persistentes, amás les temperatures van descender moderadamente y la nieve surdirá abondosamente perriba de los 1400m.
- El sábadu ya domingu’l tiempu tendremoslo seliquino con nubes ya claros durante’l día y nublines ya borrinos peles nueches con unes temperatures mínimes en descensu y másimes que subirán llixeramente anque l’ambiente va caltenese fríu en xeneral
