- Alborecemos col cielu poco nuboso, sicasí tenemos nublines no fonderu los valles con unes temperatures que tan alrodiu de los 6ºC, rexistrándose nel puirtu Payares 0,7ºC.
- Güei vamos tener el cielu con intervalos nubosos entemcios ente dellos claros o abancios una vegada que se dixebren les nublines del alborecer con unes temperatures mínimes en descensu y unes másimes que subren dalgo, amás l’aire sedrá sele ya variable.
- Mañana xueves dirá n’aumentu la nubosidá y l’aire ábrigu dirá coyendo fuercia y templando l’ambiente dempués d’una nueche fresca. Al atapecer llegarán les precipitaciones anque de forma feble en xeneral.
- El vienres lloverá sobre too pela mañana y la nieve surdirá perriba de los 1400m, tendiendo a remitir les precipitaciones durante la tarde con unes temperatures en descensu.
- El sábadu tendremos nubes ya claros o abancios con ambiente ivernal con xarabatos al finar el día y nieve perriba de los 800m y el domingu paez que tendremos intervalos nubosos entemecios ente dellos claros y temperatures en descensu pero esto yá lu diremos viendo.
