- Alborecemos con nublines no fonderu los valles y dalguna nube alta nel cielu con unes temperatures que tan alrodiu de los 4ºC, rexistrándose nel puirtu Payares 0,3ºC.
- Güei dirá n’aumentu la nubosidá, sobre too na fastera surocidental onde van tener precipitaciones pela tarde, nel restu llegarán al escurecer y de manera dispersa. Les temperatures en descensu y la cota de nieve rondará los 1300m.
- Durante’l prósimu riscar mos llegará una masa d’aire fríu apurriéndonos un frente que solo afeutará a la fastera surocidental y cordelera con precipitaciones moderaes y nevaes sobre los 600m, nel restu tendremos intervalos nubosos entemecios ente dellos claros o abancios con unes temperatures en bultable descensu.
A partir d’aquí esí embolsamientu d’aire fríu dirá formando baxes secundaries que según onde se situen puen apurrinos precipitaciones mui abondoses y nevaes copioses en cotes medies o non pasar na, hai muncha incertidumbre tovía ente modelos meteorolóxicos, lo que si paez ye que pal día del Nadal les temperatures van baxar bultablemente pero en principiu’l fríu sedrá seco con xelaes xeneralizaes, pero esto yá lu diremos viendo.
Lo que si ven tolos modelos meteorolóxicos ye un bloquéu anticiclónicu persistente sobre l’atlanticu que fae años que nun tenemos nel iviernu que va apurrinos un ambiente ivernal y si nun ye pal Nadal, añu Nuevu ,sedrá pa Reis la llegada d’un fuerte temporal de fríu y nieve.
