- Alborecemos con intervalos nubosos entemecios ente dellos claros o abancios con unes temperatures que tan alrodiu de los 9ºC, rexistrándose nel puirtu Payares 1ºC.
- Güei vamos tener el cielu nuboso pero sin precipitaciones, amás puen abrise dellos claros o abancios a lu llargu’l día con unes temperatures en moderáu ascensu ya col aire que sedrá sele ya variable pela mañana pa dir fixándose y coyendo fuercia a gallegu pela tarde.
- Mañana sábadu vamos tener nubes altes empuercando’l cielu, entemecies ente grandes claros o abancios con unes temperatures que siguen subiendo pa dexanso un ambiente primaveral. L’aire tornará a ser sele ya variable.
- El domingu vamos tener un día mui asemeyáu col cielu empuercáu de nubes altes, sicasí l’arie entamará a soplar ábrigu y a dir coyendo puxu con unes temperatures que siguen subiendo.
- El llunes ya martes vamos tar baxo’l dominiu del aire ábrigu con temperatures altes y nubosidá más abondosa na fastera surocidental y cordelera y paez qu’a partir del miércoles puen dir llegando sucesives vaguas atlántiques que mos apurrirán dellos frentes y un descensu de les temperatures, pero esto yá lu diremos viendo.
