La Llei LGTBI asturiana que se va tramitar en 2026 naz col consensu de los colectivos. Los colectivos destaquen la inclusión per primer vegada de les families.
La Llei LGTBI que se va tramitar el próximu añu recueye’l «sexiliu», l’éxodu de persones del colectivu por discriminación. Amás establez polítiques y midíes consensuaes como una mayor formación a docentes y sanitarios pa garantizar los derechos humanos d’estes persones. Hasta’l 19 de xineru puen presentase allegamientos a esta norma autonómica, la penúltima del país.
La llei espierta con un testu consensuáu colos colectivos que defenden el derechu a definise pol so sexu sentíu y non el biolóxicu.
Un articuláu que recueye midíes que garanticen que nun se discrimine a llesbianes, gais, bisexuales, intersexuales y trans nel ámbitu de la educación, la salú, los servicios sociales, l’ociu, el trabayu, la familia, y tamién nel mediu rural. Per primer vegada méntase una palabra qu’entá nun ta nel diccionariu, el «sexiliu».
