Ellí onde prindar angula ye daqué más qu’una pesquería siempres apaez L’Anguleru, el personaxe máxicu que cada Navidá visita aquellos puertos onde l’angula forma parte de la so esencia ya idiosincrasia. Güei pasóse pol puertu de Ribesella, a onde llego en lancha procedente de San Juan de la Arena, llugar nel que vieno al mundu esti bonachón sobráu de tienros abrazos y duces chuches para los mas pequenos.
La so presencia nun se fixo rogase. A los siete en puntu enfusose pola desaguada del Sella para aportar a puerto minutos dempués onde tamién-y esperaben los sos allendadores, los tambores y les gaites. Y en saludando a tolos presentes, L’Anguleru enfusase na Rula para recoyer la so ayalga mas preciáu, el Serazu Máxicu (cedazo máxicu), un artefactu con poderes sobrenaturales que-y dexa convertir en regalo todo lo que-y piden los mas pequenos.
Neños y neñes de toles edaes allegaron al soníu de la serena de la Rula para estrumir a L’Anguleru y fae-y entrega de les cartes colos sos pidimientos. Unes misives que fueron depositaes n’una caxa de pesca, un buzón tan marineru como’l mesmu L’Anguleru y el so Serazu Máxicu. Formosa tarde la que güei se vivió a cuerpu de puertu de la mano de l’Asociación Garabuxada de San Juan de la Arena y Entaína Ribeseya.
