L’arfueyu/muérdago y Santa Lucía: L’arfueyu (lliga, lliga o arfueyu n’asturianu) yera una planta considerada máxica polos antiguos druíes celtes. Teníen el costume de cortalo’l primer día de lluna nueva y nun podíen faelo con nengún instrumentu de fierro.
Por esa razón usaben unu focete d’oru. La planta nunca podía tocar el suelu y cuando la recoyíen echábenla n’una sábana blanca. El raigañu d’esta planta enxamás toca la tierra y tampoco se sostien por si mesma nel aire.
L’arfueyu más apreciáu polos antiguos cles celtes yera’l que crecía nos texos (texos) y, en menor midida nos carbayos, por ser estos unos de los sos dos árboles sagraos. Esta tradición llega viva hasta los nuesos díes.
Muncha xente piensa que, como tou, ye una tradición que vien de los Estaos Xuníos y namás llueñe de la realidá. En Perlora los más vieyos del llugar alcuérdense de dir buscar l’arfueyu y ponelo enriba de la puerta, munchos inda lo faen.
El día qu’hai que dir buscalo ye tal fecha como güei, el 13 d’avientu, día de Santo Lucía. Nun ye casualidá que sía’l día de la lluz (Lucía significa lluz) y qu’haya un refrán que diga “Por Santa Llucía mengua la nueche y espolleta’l día” por cuenta de que en esta fecha los díes empezaben a crecer y les nueches a faese más curties.
Esto corrixóse cola entrada del Calendariu Gregorianu en 1582 (el qu’usamos na actualidá) en sustitución del Calendariu Xulianu y agora, yá sabéis, por qué’l solsticiu d’iviernu (día más curtiu y nueche más llarga) ye’l 21 d’avientu. Ye costume n’Asturies, y en más países celtes, cuando llega daquién a casa da-y dos besos para recibilo na mesma entrada.
D’ende vien la tradición qu’entemez l’arfueyu y los besos navidiegos. Cuando llegaba’l día de la foguera de San Xuan tiraben la caña d’arfueyu yá secu al fueu para purificar la casa y les tierres de llabor.
Celtes, a poner l’arfueyu na puerta de casa y el próximu 23 de xunu quémase na foguera de San Xuan para purificarnos de cuerpu y mente. ¡Feliz día de Santo Lucía! ¡Somos indestruyibles, somos celtes!
