L’*Anguleru yá ta n’Asturies: tolos conceyos que va visitar antes de Nuechebona. El Pá Noel asturianu‘ empieza esti 6 d’avientu un percorríu pol Principáu pa conocer a los neños, recoyer les sos cartes y comprobar l’estáu de los ecosistemes fluviales.
Tres la so llegada a Asturies, que pudo siguise en directu dende’l so perfil en Facebook, la so primer parada va ser el centru comercial ParqueAstur, en Corvera, onde va llegar esti 6 d’avientu a les 18 hores. Amás, equí va dexar la so chalana máxica, L’Angulina, que va poder vese hasta’l día 20.
El segundu conceyu que va visitar va ser Avilés. va facese’l vienres 12, a les 10 hores, cuando va asistir a la Folixa de Navidá de los colexos del conceyos.
El sábadu 13, a les 19 hores, va tar en Ribesella, onde va recoyer el Serazu Máxicu, y el domingu 14, a les 18 hores, va tar nel barriu xixonés del Lloredal.
El llunes 15 a mediudía va allegar a la Xunta Xeneral del Principáu para apurrir al so presidente, Juan Cofiñu, les cartes navidiegues por que puedan escribilu tolos diputaos asturianos.
L’axenda de L’Anguleru sigue’l día 20, de nuevu en ParqueAstur (12 hores), onde se van nomar nuevos Llendadores y Llendadoras que lu van ayudar na so misión navidiega; el día 21 va tar en Mieres, para l’encendíu del Fueu Máxico (18.30 hores); y el martes 23 va volver a Avilés, para participar nel desfile del Cortexu del Nataliegu, que va avanzar dende’l parque del Muelle hasta la plaza d’España (18.30 hores).
