Aseguren que, un biltu como’l catalán pero n’Asturies, pue acabar cola especie. Los criadores de gochu asturcelta alerten qu’un biltu de peste porcina africana n’Asturies llevaría a la so desapaición.
Los ganaderos piden ayudes p’habilitar pieslles especiales frente al xabaril y que se conxelen embriones pa caltener esta raza autóctona.
La desinfección con llexía faise imprescindible pa protexer a los animales d’un virus que resiste cien díes en cualquier superficie, inclusive calzáu y ropa, y más cuando’l ser humanu ye’l principal axente de contaxu nes esplotaciones.
Los 28 criadores de gochu asturcelta tán esmolecíos. Un biltu como’l catalán, aseguren, llevaría a la desapaición d’esta raza autóctona, qu’anguaño cunta con 450 animales reproductores, de los que 50 son machos.
Ayena a la peste, Blanquita cría a los sos siete gochinos d’un mes na cubil. El restu de la peada vive nos montes de Sariegu.
Los criadores d’esta ganadería estensiva piden ayudes pa los pieslles de les sos finques frente al xabaril con valles cinexétiques, y sobre manera’l caltenimientu de la especie cola conxelación d’embriones.
Anguaño tienen l’ADN de 10.000 exemplares y el semen de mediu centenar de gochos, insuficiente dicen, pa lliberar al gochu de la estinción, si vienen mal daes.
