Los residentes fora d’Asturies yá merquen una de cada cuatro viviendes: la mayor parte son madrilanos, siguíos de baleares que yá superen a los vascos. El preciu de los pisos nuevos dispárase un 90 per cientu dende la pandemia. «La rexón precisa unos 3.000 pisos más al añu», avisa la Cámara d’Uviéu. LNE
Ramiro Lomba, director del Sadei, quien esplicó con datos un problema cada vez más acusáu. Ya indicó qu’el 25 per cientu de les viviendes que s’atopen a la vienta n’Asturies mérquémles persones non residentes na rexón. La mayor parte (11 per cientu), madrilanos, pero con un notable aumentu de baleares, que’l pasáu añu mercaron 315 cases, doblando la cifra per segundu exerciciu consecutivu. «Ye una cifra muncho más alta que la de compradores vascos, por casu».
Tamién dixo que, dende 2012, l’arriendu aumentó nun 70 per cientu, con contrastes ente conceyos. En Xixón (el más caru d’Asturies) la media asitiase en 922 euros al mes pa un pisu de 80 metros cuadraos, ente que nes zones rurales nun algamaren los 500. Amás, el director del Sadei esplicó que dende la pandemia los precios de viviendes de segunda mano xubieron un 20 per cientu. Nel casu de les d’obra nueva, un 90 per cientu, construyéndose xunas 2.000 al añu, les cifres más baxes dende 2011, «bien per debaxo de lo que precisa la rexón». «Hai un claru desfase ente la ufierta y la demanda», dixo.
La vivienda de segunda mano dispara los precios n’Asturies, que llega al nivel de la burbuya inmobiliaria. L’alza nel Principáu ye’l sestu mayor medría rexistrada en tol país.
Los precios de la vivienda nun baxen. Nun lo faen les grandes metrópolis de la península onde se multiplicó la población y tampoco lo faen n’Asturies onde malapenes se caltien el millón d’habitantes. El preciu de la vivienda nel Principáu disparóse un 13,5% en tasa interañal mientres el tercer trimestre de 2025, marcando asina una intensidá de xubida que nun se rexistraba dende l’añu 2007, xusto antes del españíu de la burbuya inmobiliaria y la Gran Recesión. Son los datos del Institutu Nacional d’Estadística (INE) que revelen que la xubida de precios n’Asturies foi mayor que de la media nacional (nel conxuntu del país alzóse un 12,8% interañal), y convierte a la rexón na sesta con mayor xubida de precios del país, namá superada per Murcia (15%) y Aragón (14,6%).
La clave ye qu’unu de los motivos polos que se dio esta medría ye pol encarecimientu del mercáu de la vivienda de segunda mano.
Quién ta mercando casa n’Asturies
¿Quién son los qu’adquieren vivienda n’Asturies? Pos principalmente los asturianos, sicasí, la comunidá ta esperimentando una medría destacable na compraventa de viviendes procedente de compradores residentes n’otros territorios, tanto españoles como estranxeros. Los datos más recién, correspondientes al segundu trimestre del añu y recoyíos na Estadística de Transacciones Inmobiliaries del Ministeriu de Vivienda, reflexen estos movimientos.
Según esti informe, daqué más del 12% de les operaciones realizaes n’Asturies fueron compres efectuaes por residentes en Madrid, lo qu’implica qu’una de cada diez viviendes vendíes nel Principáu tuvo como comprador a una persona empadronada na capital. En númberos absolutos, los madrilanos adquirieron 546 inmuebles n’Asturies mientres esi periodu, frente a un total de 4.530 operaciones rexistraes. La mayor parte, más de 3.400, fueron compres realizaes por compradores residentes n’Asturies. Tres Madrid, los territorios con mayor movimientu comprador fueron Cataluña, la Comunidad Valenciana, Baleares y Castiella y Llión.
L’actividá tamién inclúi operaciones d’estranxeros residentes n’España qu’adquieren vivienda dende otres comunidaes. El Ministeriu recueye 427 compres correspondientes a esti perfil nel segundu trimestre del añu, anque la información más detallada atopase nos balances del Conseyu Xeneral del Notariado. Esos datos, comparativos ente’l primer semestre de 2025 y el del añu anterior, asitien a Asturies nuna posición destacada.
El Principáu lideró la crecedera nacional en compraventa de vivienda llibre per parte de compradores estranxeros mientres los seis primeros meses de 2025, rexistrando una medría del 30,8% respectu al mesmu periodu de 2024. Amás, el preciu mediu del metro cuadráu nestes operaciones tamién aumentó n’Asturies, con una xubida del 5%, una meyora moderao pero sostenío dientro del enclín a l’alza reparada en quince comunidaes autónomes.
Sía que non y nos datos publicáu pol INE refléxase que, a pesar de la contundencia de la variación añal, el ritmu de crecedera moderóse llixeramente na comparancia trimestral. El preciu de la vivienda n’Asturies xubió un 2,2% frente al trimestre anterior, lo que representa la metá del aumentu rexistráu nel segundu trimestre del exerciciu, y queda per debaxo del aumentu trimestral nacional del 2,9%. Por tipu de vivienda, la de segunda mano xubió un 2,5% trimestral (2,2 puntos menos que’l trimestre previu), ente que la de nueva construcción apenes s’amontó un 0,4% frente a los trés meses precedentes.
