Títulu LA CORDIÓN DE NOLÍN / Autor y testu: VITOR GONZALEZ
Poques coses tienen el poder evocador de la música.
El simple soníu d’una melodía puede tresportanos nel tiempu y erizarnos la piel.
Tamién ye identidá. Nella reconocen persones y pueblos, porque guarda hestories, valores y raigaños.
Dende los cantares antiguos hasta los preseos que cruciaron fronteres, como l’acordión de Demian, nacíu n’Alemaña en 1829 y güei parte del folclore de munches cultures incluyida l’asturiana, pasando a formar parte d’esa memoria colectiva que configura la nuesa xeografía íntima: un mapa para volver a quien fuimos y una buelga de quién somos.
Por eso la música non solo acompaña la esistencia: xustificala.
Como dicía Nietzsche: una vida ensin música sería un erru.
D’eso trata la portada que güei nos trai Vitor González, (vitor_gonzalez_art ) ilustrador autodidacta llicenciáu n’Hestoria del Arte, que la so pasión pola cultura celta llevó-y a crear un estilu propiu absolutamente orixinal onde combina’l clasicismu del arte céltico medieval con aplicaciones contemporanees.
Amás de la so trayectoria como diseñador de tatuaxes especializáu nel estilu nórdicu, publicó llibros como “Arte del Norte” y , “Craic agus Ceol”, diseñó los cartelos de los trés peracabes ediciones del Cáceres *Irish *Fleadh ya ilustráu diverses portaes de temática asturiana.
