Un capítulu escepcional en nuesa #MemoriaMinera
: rescatemos una fotografía bien pocu vista y d’enorme valor históricu: Muyeres penerando carbón (1900), d’Antonio Ortega Giménez (Alcázar de San Juan, 1868 – Xixón, 1917).Esta imaxe, captada en Mieres del Camín fai 125 años, ye unu de los testimonios más antiguos del trabayu de les muyeres na mina: directu, poderosu y casi únicu, amosando la so presencia nes xeres más dures de la industria hullero.
Sobro’l fotógrafu: Ortega Giménez foi médicu y fotógrafu aficionáu que vivió gran parte de la so vida n’Asturies. El so arquivu, calteníu nel Muséu del Pueblu d’Asturies, inclúi más de 150 imaxes estereoscópiques (1895‑1910) que documenten la vida cotidiana, los tipos populares y los paisaxes urbanu y rural de la rexón. La so mirada artística convierte estes fotografíes nun testimoniu únicu de la sociedá asturiana a finales del XIX y principios del XX, incluyendo escenes históriques como’l trabayu de les muyeres na mina.
Sobre #MujeryMina: La fotografía recuérdanos que la hestoria del carbón nun s’entiende ensin elles: muyeres trabayadores —guah.es, si afítase unu na neña del fondu que mira a cámara imprescindibles, invisibilizaes mientres décades, pero siempres presentes na construcción de les nueses cuenques.Obres como esta ayúdennos a completar el relatu y a reconocer la diversidá de manos femenines, anónimes, resistentes— que sostuvieron la memoria social de la minería asturiana.
Desde el #MontepíoAst celebramos esti afayu y reivindicamos la so importancia: caltener esta imaxe ye tamién recuperar la verdá completa de la nuesa cultura minera. Una fotografía con más d’un sieglu d’hestoria.
