Susan Wolf, la filósofa que replantegó’l sentíu de la vida: ver
“Nun basta
con sentise realizáu,
importa qué ye
lo que nos realiza”
Para la filósofa contemporanea Susan Wolf nun basta con sentise realizaos, importa qué ye lo que nos realiza. Y esto tien munches más implicaciones de les que podríamos imaxinar.
El significáu de la vida La filosofía y la relixón lleva milenios batallando cola mesma entruga: ¿cuál ye’l sentíu de la vida? Les relixones atopen la respuesta na imaxe de Dios, los esistencialistes dicíennos que la vida, cenciellamente, nun tien sentíu, anque los humanos teamos daos a buscalo. Sía que non, a Susan Wolf nun-y esmolez el significáu como la gran cuestión del sentíu del universu.
Lo que Wolf quier pescudar ye, a última hora, cuál ye’l calter significativu dientro de les vides individuales. Que lleva a una persona a dicir “la mio vida nun tien sentíu” o “siento que toi faciendo daqué significativu”. ¿Cómo-y damos significáu a les nueses vides los seres humanos?
La respuesta tradicional que nos ufiertó la psicoloxía ye qu’asignamos significáu a la nuesa vida en función del interés propiu” o la moralidá”. Esto ye, faemos les coses porque nos xenera un bien personal, o porque pensamos que ye la opción moral fayadiza.
Sicasí, hai campos grises nos que nenguna d’estos dos motivaciones intervien. Por casu, al dir visitar a un amigu al hospital quiciabes nun tamos pensando nel nuesu interés propiu (pue que complíquenos enforma’l día), nin ye necesariamente’l mayor bien moral disponible. Y magar tou, pue ser un actu fondamente significativu. Para Susan Wolf, la motivación tres esti actu, y tres tou aquello que ta dotáu de significáu, ye l’amor.
Según Susan Wolf hai dos caminos para cultivar el sentíu na vida: siguir la pasión, y comprometese con una causa más grande. Estos dos oxetivos pueden faer que nos sintamos fondamente conectaos col sentíu, pero de manera individual nun completen la fórmula.
La clave ta, entós, n’atopar el puntu esactu nel que conflúin dambes llínees. Atopar daqué que te apasione y te dexe implicate con una causa mayor. “Una vida ye significativa na midida na que les sos atracciones suxetives dirixisen a coses o metes que son oxetivamente pervalibles”, escribe la filósofa. “Esto ye, la vida d’unu ye significativa na midida na que unu atópase amando coses dignes d’amor y ye capaz de faer daqué positivu al respeutu. Una vida ye significativa na midida na que ta activa y amorosamente implicada en proyectos pervalibles”.
N’otres palabres, diría Wolf, el significáu provien de la implicación activa en proyectos pervalibles que nos conecten col mundu d’una manera positiva”.
