La Conseyería de Cultura, Política Llingüística y Deporte ta realizando obres de conservación y restauración na fonte de La Foncalada, n’Uviéu, con una inversión de 79.376 euros. Los trabayos céntrense en frenar el so deterioru y garantizar la so preservación. 
El director xeneral de Patrimoniu Cultural, Pablo León, visitó güei los primeros trabayos, colos que s’avanza na protección d’ún de los bienes más representativos del patrimoniu históricu asturianu.
Empiézase con una llimpieza xeneral pa eliminar depósitos, costres, pintura y axentes biodeteriorantes ensin afectar a los materiales orixinales. Depués, va consolidase la estructura, reposando con materiales de propiedaes similares pieces perdíes, como los morteros de xuntes y les piedres.L’oxetivu final ye garantizar la estabilidá, impermeabilidá y durabilidá del monumentu, ensin alterar la so materialidá orixinal y aplicando bones práctiques de conservación patrimonial. Más información 
https://acortar.link/TklBzp
https://acortar.link/TklBzp