Conseyería de Cultura, Política Llingüística y Deporte
La Orquesta Sinfónica del Principado de Asturias (OSPA) ofrez el sestu conciertu d’abonu los díes 22 y 23 de xineru en Xixón y Uviéu, baxo la dirección de Ramón Tebar y cola tuba solista de David Moen. 
Obres de Brahms, Birtwistle y la emblemática Sinfonía del Nuevu Mundu de Dvorak. 
Primero del conciertu d’Uviéu, Tebar va tener un alcuentru col públicu pa compartir les claves artístiques del programa. 
Conciertos a les 20:00 h
Entraes en taquilla y na web oficial: ospa.esMás información: https://actualidad.asturias.es/-/2001abonoospa– Les funciones van ser los díes 22 y 23 de xineru en Xixón y Uviéu, respectivamente.
– El director va tener un alcuentru col públicu primero del conciertu nel Auditoriu Príncipe Felipe
La Orquesta Sinfónica del Principáu d’Asturies (OSPA) va ufiertar los díes 22 y 23 de xineru’l so sestu conciertu d’abonu de la temporada 2025-2026, col títulu El resplandor de Dvorak. El programa va tar dirixíu pol maestru Ramón Tebar y va cuntar cola participación como solista del tubista David Moen, tuba principal de la formación asturiana.
El primeru de los conciertos va facese’l xueves 22 de xineru, a les 20 hores, nel Teatru Xovellanos de Xixón. El segundu va tener llugar el vienres 23 de xineru, a la mesma hora, nel Auditoriu Príncipe Felipe d’Uviéu.
El programa va abrise cola Obertura pa un festival académicu, op. 80, de Johannes Brahms, una obra estructurada en dellos episodios qu’incorpora melodíes tradicionales del ámbitu universitariu y remata col famosu Gaudeamus igitur. De siguío, va interpretase The Cry of Anubis, del compositor Harrison Birtwistle, una pieza na que la tuba garra un papel protagonista al encarnar simbólicamente al dios exipciu Anubis, nun diálogu intensu cola orquesta. El conciertu va rematar cola Sinfonía del Mundu Nuevu, d’Antonin Dvorak, una de les obres más universales del repertoriu sinfónicu, concebida como una ponte ente la tradición musical europea y les influencies americanes.
Primero del conciertu d’Uviéu, Ramón Tebar va tener un alcuentru col públicu a les 19:15 hores, na sala de conferencies del Auditoriu Príncipe Felipe, onde va compartir claves del programa y la so visión artística.
Venta d’entraes. N’Uviéu, les entraes puen adquirise na taquilla del Auditoriu Príncipe Felipe, de 9:30 a 14:00 hores, y el mesmu día del conciertu, de 17:00 a 20:00 hores. Los precios son de 24 euros en patiu y 21 euros n’anfiteatru.
Ramón Tebar y David Moen
Ramón Tebar ye anguaño director artísticu y musical de la Opera Naples y director artísticu del Festival d’Arantzazu. Desenvolvió una trayectoria internacional amplia tanto n’ámbitu operísticu como sinfónicu y dirixó en delles ocasiones formaciones como la Orquesta Nacional d’España y munches orquestes de referencia n’Europa, América y Asia.
David Moen ye tuba principal de la OSPA dende 1992. Formáu n’Estaos Uníos, collaboró con destacaes orquestes internacionales y actuó como solista cola OSPA. Ente 2007 y 2016 dirixó la Banda de Música de Candás.
