La imaxe ye del llibru «Boy, relatos de la infancia», de Roald Dahl. Nél cúntanos la so vida desque nació, anécdotes, enseña munches fotografíes personales y fragmentos de les cartes qu’escribió a mano. Porque… ¡Roald Dahl escribió a la so madre una carta a la selmana mientres cuarenta años!
Una xornada para cavilgar sobro les razones poles que ye bonu siguir escribiendo a mano y qué podemos perder si dexamos de faelo: Ameyora l’aprendizaxe, activa la memoria, fai ser un meyor escritor, déxate pensar más, evita distracciones, ameyora la capacidá de concentración, favorez l’asociación d’idees y la creatividá, ameyora’l llinguaxe, relaxa, evita l’ansiedá y combate el estrés, caltien el celebru activu, combate’l deterioru cognitivu y muncho más…
Esta fecha busca resaltar el valor humanu del escribir manuscritu, promoviendo actividaes que reconecten cola tradición metanes una redolada dixitalizao. Nun mundu nel que la escritura al traviés de dispositivos dixitales predomina sobro la escritura a mano tradicional, nun paez nenguna tontura que la caligrafía tenga un día especial nel que se recuerde y reivindíquese la importancia y la guapura d’esta actividá.
Non solo quepe destacar la guapura de la faceta estética de la caligrafía –que tamién–, yá que recién investigaciones demuestren que la enseñanza de les habilidaes d’escritura a mano beneficia’l desenvolvimientu cognitivu y les habilidaes motores, y puede conducir a una meyora de les habilidaes d’escritura y comprensión de llectura.
La caligrafía (del griegu καλλιγραφία [kaligrafía]) ye l’arte d’escribir con lletra bella», artística y correchamente formada, siguiendo distintos estilos; pero tamién puede entendese como’l conxuntu de traces que caractericen la escritura d’una persona o d’un documentu. Una perspectiva clásica definiría a la caligrafía como’l conxuntu de lletres escrites que dependen del fluxu y ritmu de la pluma, pincel o preséu de cantu planu que s’utiliza para’l so trazáu.
Ye por ello polo que, ensin dulda, tamos énte una actividá especialmente beneficiosa pal ser humanu que nun tendría de perder se nel tiempu. Asina que, si nun lu has fechu yá, xúnite a la celebración, faite con un lápiz, tiza, bolígrafu o pluma y ¡escribe! Vas Poder compartir la resultancia col mundu en redes sociales so los hashtags #HandWritingDay y #NationalHandWritingDay.
