La umbada Ingrid dexa’l so impactu nes carreteres asturianes. Polos principales accesos al pandu, l’autopista del Güerna y Payares circulase ensin restricciones. La nieve cayida nes últimes hores obliga al usu de cadenes en 14 puertos de monte de la rede autonómica de carreteres na que s’atopa cerráu’l pasu polos puertos del Couño y La Foína, informa’l 112-Asturies.
Tres una mañana sele, a les 13:30 la nieve faía actu de presencia y cayía con cierta intensidá nel altu del puertu Payares. El pasu de les quitanieves evitaba que cubriera la calzada y la borrina faíase protagonista. Non xénero complicaciones a los conductores.
Na rede secundaria, más d’una decena de puertos precisen de cadenes, como’l de Ventana. Anque la nieve nun llegó a algamar el pueblu de Pandorial, la previsión de la envernada amenorgó l’arribación de visitantes. Mantos blancos que dexen tamién siguir esfrutando na nieve esti iviernu.
La imaxe repitise en bona parte de la contorna suroccidental. Son dellos los altos y carreteres de monte que presenten dificultaes, y nos que ye necesariu l’usu de cadenes o neumáticos d’iviernu. Ente ellos, los accesos al Brañás/ L.leitariegos, en Cangas. Les máquines quitanieves, trabayaron ensin fuelgu nuna xornada intensa.
Nel conceyu de Cangas, permanez amás cerráu dende ayeri’l puertu d’El Conio, anque se trata d’una vía secundaria bien poco transitada, que nun se llimpia con tanto avezamientu y a media tarde de güei.
Les cadenes son necesaries n’otra decena de puertos de la contorna. Pel momento, la previsión ye que la situación siga siendo complicada en cotes altes, con un avisu mariellu activu hasta esta medianueche, por riesgu de nevaes y posibles acumuladures d’hasta 10 centímetros en 24 hores, percima de los 900 metros.
