El colexu Santa María del Naranco sofita la causa de ‘El Ángel de Javi’ nel Día de la Paz nes aules. TPA.
Un total de 24 colexos de toa Asturies, con más de 20.000 alumnos, participaron en delles carreres solidaries pa sofitar la causa ‘El Ángel de Javi’, el movimientu de sofitu al neñu d’Uviéu que sufre la enfermedá de Nedamss, una enfermedá ultra rara dientro de la xornada que conmemora’l Día de la Paz y la Non Violencia nes aules y que se celebra por mor del aniversariu de la muerte de Mahatma Gandhi.
Nel colexu de Javi, el Santa María del Naranco, n’Uviéu, los sos compañeros lleeron un manifiestu en favor del respetu, la tolerancia y la compasión ente iguales.
Depués, nel patiu del colexu, Javi encabezó la carrera solidaria ayudáu por dellos de los sos compañeros qu’emburriaron la so siella de ruedes.
