A lo llargo del día non solo va entrar l’aire frío en capes medies y tamién en capes altes de la troposfera. Tou ello veráse traducíu n’una sensación d’enforma fríu en superficie y qu’evidentemente vamos notar. Tantu les máximes como les mínimes van baxar de forma xeneralizada en tol Principáu d’Asturies. Nun se van superar los 7 o 8 ºC en nenguna población asturiana. Mientres la tarde-nueche les temperatures van cayer en picáu llegando a rexistrase temperatures bien cercanes a los 0 ºC a medianueche en gran parte del interior. Con éses esperamos una madrugada de domingu para llunes con xelaes xeneralizaes n’Asturies que van ser bien débiles en puntos del prelitoral, débiles nel restu de la metá norte, y moderaes escontra’l sur de la rexón. En cuanto al estáu de los cielos, prevense más claros pela mañana que pela tarde. Nun se refuguen delles precipitaciones bien débiles y esvalixaes mientres la segunda parte del día pudiendo dexar dellos falopos en cotes percima de los 300 metros na tarde-nueche allá onde bastie. Pero ye importante aprofiar que, en llínees xenerales, el día va ser secu.
El llunes esperamos grandes claros nel cielu pela mañana, pero a partir de la tarde van aumentar la nubosidad pel oeste que va dexar precipitaciones xeneralizaes sobremanera pela nueche. Espéende nevaes a partir de los 300 metros, y nun se refuguen que puntualmente pueda esbarrumbase la cota sobre los 200 metros na madrugada del martes. El día de Reyes va amanecer, siquier la metá sur asturiana, cubierta de blancu.
