Esperamos entá precipitaciones, especialmente, mientres la mañana. La cota de nieve va rondar los 400 metros anque, a primeres hores del día, nun se refuga que pueda nevar sobro los 300 metros. De tarde la inestabilidá yá va ser muncho más débil con nieve a partir de los 500 metros y, finalmente, van acabar unviando les precipitaciones pudiendo abrise delles escamplaes inclusive. Les temperatures máximes van baxar hasta 2 o 3 ºC menos al respective de a les anotaes el llunes. Les mínimes van caltenese o, sía que non, podríen xubir llixeramente nel terciu occidental. Con éses vamos encarar una xornada de Reyes bien fría en tol Principáu, con precipitaciones más frecuentes mientres la mañana que va dexar nieve en cotes relativamente baxes pola mor tamién del fríu acumulao.
El miércoles va ser un día lluviosu en tola Comunidá Autónoma. La cota de nieve yá va tar más alta, va asitiase sobro los 900 o 1000 metros de primeres y, conforme vaiga avanzando la xornada, va siguir xubiendo hasta los 1200 metros. Les temperatures van xubir de forma bien significativa en caos de les máximes, y moderadamente nel de les mínimes.
