Esperamos abondosa nubosidá que va dexar precipitaciones partíes por tol Principáu. Polo xeneral vamos tar falando de lluvia pero, a partir de los 900/1000 metros, prevense nevaes a primeres hores del día con enclín a xubir la cota hasta los 1400 o 1500 metros conforme trescurra la xornada. Los vientos van predominar de componente oeste con momentos nos que podríen soplar de suroeste. Estos vientos van provocar un ascensu de les temperatures y, con ello, tamién de la cota de nieve. Con éses les máximes van xubir hasta 6 ºC al respective de les anotaes el martes, ente que les mínimes van xubir 2 o 3 ºC na metá occidental y van caltenese ensin cambeos importantes nel restu d’Asturies.
El xueves el protagonista del día va ser el vientu. Vamos Tener fuertes raches de vientu de suroeste que podríen algamar los 90 km/h sobremanera nel occidente y nel cordal. Igualmente, los vientos van ser importantes tamién n’otros puntos de la rexón. Poro, van siguir xubiendo les temperatures. Les máximes volverán xubir otros 5 y 6 ºC más (hasta 12 ºC en 48 hores) y les mínimes, nesti casu, van #facer tamién de forma bien notable.
