Esperamos una xornada estable en llínees xenerales. Vamos amanecer con cierta nubosidad pero rápido van abrise grandes claros. El sol va cobrar protagonismu a lo llargo de la mañana. A partir del mediudía van entrar nubes medies pel oeste que se van dir moviendo escontra l’oriente pero ensin llegar a cubrir los cielos por completu. Estes nubes van dexar precipitaciones en nengún momentu del día. Los vientos van ser fluexos, anque mientres la segunda parte del día prevense raches moderaes de componente oeste na mariña. Les temperatures máximes van baxar hasta 3 o 4 ºC menos que’l martes, salvu nel cordal y nel terciu oriental onde apenes van variar. Les mínimes, sicasí, van baxar nel centru y nel oriente, ente que nel sector occidental van ser bien similares.
El xueves va ser un día airosu pela mañana con raches fuertes de componente sur. Pela tarde los vientos van abocanar, van afitase de componente oeste facilitando la entrada de nubosidá abondosa que va dexar precipitaciones partíes per Asturies. Les temperatures máximes van xubir llixeramente gracies a los vientos de sur. Amás, na mar esperen foles d’hasta 5 metros d’altor.
