Esperamos cielos bien nublos con bastios xeneralizaos que van ser más abondosos mientres la mañana. La zona central y oriental van ser les más afectaes pero tamién s’esperen agües nel occidente. La cota de nieve va empezar sobro los 900 metros y va dir xubiendo hasta los 1100 metros nes hores centrales, pudiendo baxar a los 1000 a la fin de la xornada cuando les precipitaciones van ser muncho menos probables y, inclusive, inesistentes. Les temperatures máximes apenes van variar al respective de les anotaes el sábadu. Les mínimes van caltener nel occidente y van xubir nel restu del Principáu, especialmente na zona central asturiana. Los vientos van soplar de componente norte con raches moderaes.
El llunes vamos empezar la selmana con estabilidá mientres la primer parte del día, pero van dir aumentando les nubes col intre de les hores con posibilidá de precipitaciones entrando pol occidente. Les temperatures máximes tampoco se van ver alteriaes, pero les mínimes van baxar onde esti sábadu van xubir, esto ye, nel centru y nel oriente. Los vientos van predominar de componente oeste.
