los vientos fueron protagonistes el miércoles n’Asturies. La racha más intensa anotose en Cabrales (138 km/h), pero tamién destacaron los 128 km/h en Picos d’Europa, los 124 km/h en Cabu Bustu, los 123 km/h en Sotres y los 113 km/h en Cabo Peñes. El xueves volveremos esperar fuertes raches de vientu pero van tener llugar especialmente na recta final del día. Pela mañana prevense vientos moderaos de suroeste que, sacantes esceiciones bien puntuales, nun van superar los 50 o 60 km/h. Pero a lo llargo de la tarde, va aumentar la intensidá de los vientos nel occidente y nel cordal, pudiendo superase los 90 km/h.
A la fin del día, y especialmente na madrugada del vienres, tamién s’esperen raches fuertes de vientu nel restu del Principáu. Por casu, espérase que se superen los 80 km/h n’Uviéu y otres localidaes del centru d’Asturies. En cuanto al estáu de los cielos, prevense intervalos nublos con más nubosidá pela tarde. Estes nubes van poder dexar precipitaciones que, asina tou, van ser más frecuentes nel sur y nel occidente asturianu. Les temperatures máximes, en superando los 20 ºC na mariña asturiana, van baxar ente 2 y 3 ºC en tola rexón, ente que les mínimes van baxar llixeramente nel oriente y van caltenese nel occidente. Per otru llau, ye importante destacar l’avisu naranxa na mar mientres tol día por foles d’hasta 7 metros d’altor.
