esperamos una día meteorolóXicamente bien activu. Tol Principáu va tar baxu avisu por vientos y por foles nel casu de la mariña. Lo más destacao va ser l’aguaxe que va consiguir activar l’avisu coloráu n’Asturies. Hasta’l mediudía va tar activáu l’avisu naranxa por foles que podríen algamar los 5-7 metros d’altor. A partir de les 12:00 hores l’avisu va pasar a nivel coloráu tantu na mariña occidental como na oriental por foles d’hasta 8-10 metros d’altor. Esti avisu coloráu va enllargase hasta les 22 hores pudiendo ser el peor momentu ente les 15 y les 18 hores de la tarde.
A partir de les 10 de la nueche l’avisu volverá ser de nivel naranxa por foles d’hasta 7 metros. Amás, toa Asturies va tar con avisu mariellu por vientos d’oeste fuertes que podríen algamar los 90 km/h. Asina tou, ye importante destacar que dellos modelos meteorolóxicos preven que puedan llegase a algamar los 110 o 115 km/h en dellos puntos de la mariña como nel Cabu Peñes. Tamién en zones altes de Picos d’Europa podríen superar los 100 km/h.
Tocantes a les temperatures, les máximes van xubir de forma xeneralizada ente 2 y 3 ºC, ente que les mínimes van facelo de forma más significativa pudiendo xubir hasta 4 ºC más que’l sábadu. Los cielos polo xeneral van tar nublos con posibilidá de bastios mientres el día que van tender a unviar a la fin.
