Vamos empezar la selmana con una xornada na que los vientos de suroeste van consiguir xubir les temperatures. Les máximes van xubir hasta 8 ºC nel occidente, y hasta 5 o 6 ºC nel restu de la rexón. Les mínimes van xubir namá nos estremos del Principáu, calteniéndose ensin cambeos importantes nel restu d’Asturies. Los vientos van soplar de suroeste con raches moderaes y con posibilidá de que puedan ser fuertes sobremanera mientres la segunda parte del día. va activase l’avisu mariellu nel cordal a partir de les 18:00 hores por raches que podríen llegar a los 90 km/h.
Na madrugada del llunes al martes los modelos meteorolóxiques indiquen la posibilidá de que puedan rexistrase raches d’hasta 130 o 140 km/h en Picos d’Europa. Tamién el llunes quepe destacar l’avisu mariellu na mar por foles d’hasta 5 metros d’altor. En cuanto al estáu de los cielos, va predominar la nubosidad con precipitaciones pela mañana que van tender a unviar salvu nel occidente y nel sur asturianu onde podríen ser probables a lo llargo del llunes.
El martes tamién s’espera cierta nubosidad acompañada de fuertes vientos de suroeste-oeste y unes temperatures similares sacantes les mínimes que van xubir.
