- Alborecemos col cielu cubiertu y con unes temperatures que tan alrodiu de los 14ºC, rexistrándose nel puirtu Payares 2,3ºC onde soplán fuertes raches de vientu.
- Güei vamos tener el cielu nuboso pero sin malpenes precipitaciones, solo s’esperen na cara sur de la cordelera con unes temperatures n’ascensu que mos dexarán un ambiente templáu, amás va soplar con fuercia l’aire ábrigu na cordelera ya en puntos del llitoral.
- Mañana martes seguiremos col cielu nuboso con apertura de dalgún claro o abanciu durante la tarde, lloverá dalgo na cordelera y nevará perriba de los 1600m y l’aire ábrigu seguirá siendo fuerte nes zones propicies con tendencia amenorgar al finar el día. Les temperatures en descensu.
- El miércoles vamos tener nubes ya claros o abancios con unes temperatures que van camudar poco, sicasí tendremos un descensu de les mínimes, amás l’aire sedrá sele ya variable.
- El xueves la llegada d’una nueva vaguada atlántica fadrá qu’aumente la nubosidá ya tengamos precipitaciones pela tarde con un descensu de les temperatures y nieve perriba de los 1300m.
- La fin de selmana un embolsamientu d’aire fríu n’altor que mos empobina una borrasca mos dexará tiempu inestable con xarabatos, tormentes y nieve perriba de los 900/1000m, pero esto yá lu diremos viendo.
