- Alborecemos col cielu nuboso ya con unes temperatures que tan alrodiu de los 12ºC, rexistrándose nel puirtu Payares 1,5ºC.
- Güei vamos tener el cielu nuboso cola apertura de dellos claros o abancios durante la tarde, solo lloverá na cordelera y sedrá en forma de nieve perriba de los 1600m. Les temperatures en descensu y l’aire ábrigu seguirá soplando fuerte en zones altes ya en puntos del llitoral.
- Mañana miércoles vamos tener nubes ya claros o abancios con unes temperatures mínimes en moderáu descensu y sin cambios les másimes, amás l’aire amenorgará pa quedar sele ya variable.
- El xueves la llegada d’una borrasca va apurrinos un aumentu de la nubosidá que mos dexará precipitaciones pela tarde al pasu d’un frente con un descensu de les temperatures y nieve perriba de los 1300m.
- La fin de selmana sedrá inestable con xarabatos intermitentes, descensu de les temperatures y dalgo de nieve pela cordelera con una cota qu’oscilará ente los 800-1000m.
