Atención: podríamos ver nieve n’Asturies la nueche del 5 al 6 de xineru en cualquier cota 
@arangometeo #EltiempoTPA 
https://www.rtpa.es/el-tiempo-en-asturias
- Alborecemos col cielu nuboso ya con unes temperatures que tan alrodiu de los 7ºC, rexistrándose nel puirtu Payares 1,4ºC.
- Güei vamos tener el cielu mui nuboso con precipitaciones febles pela tarde que sedrán más abondoses ya frecuentes na fastera más surocidental d’Asturies y cara sur de la cordelera con unes temperatures que subirán dalgo, sobre too en zones de montaña.
- Mañana sábadu les precipitaciones sedrán xeneralizaes ente febles ya moderaes y vendrán acompangadas d’un descensu moderáu de les temperatures, anque la cota de nieve va tar alta a primera hora va dir baxando pa situase al finar el día pelos 700-800m.
- El domingu vamos tener dalgo de nubosidá estratificada entemecida ente dellos claros o abancios que nun mos va dexar precipitaciones pero les temperatures van baxar bultablemente por mor del vientu nordés que va soplar cafiante sobre too nel llitoral, baxando entovía más la sensación térmica.
- El llunes vamos tener nubosidá en forma d’estratos pela mañana, pa dir aumentando les nubes pela tardiquina cola posibilidá de que mos entre aire fríu n’altor ya tengamos precipitaciones moderaes pela tarde-nueche que sedrán de nieve perriba de los 300-400m con dalgún desplome sobre los 200m si la precipitación ye persistente y abondosa. Les temperatures siguen baxando y l’aire nordés perderá fuercia rolando a componente norte.
- A partir del martes hai muncha indefinición de los modelos meteorolóxicos pero l’ambiente seguirá fríu ya ivernal.
