El conceutu de respeturismo naz del apueste por una actividá equilibrada y respetuosa col territoriu y concrétase nun decálogu de conseyos para viaxar de manera sostenible, claves para esfrutar más del destín y curialo coles mesmes.
Esi decálogu, sobro’l que se basó’l desenvolvimientu creativu de la campaña diseñada por un equipu asturianu de l’axencia Arrontes y Barrera, inclúi los siguientes valores: sostenibilidá, paciencia, empatía, interés, compromisu cola economía local, sensatez, cercanía, responsabilidá y positividá.
La campaña inclúi 42 imaxes temátiques y una docena de pieces audiovisuales qu’amuesen la diversidá de paisaxes, enclaves y esperiencies d’Asturies, poniendo’l focu en llugares menos conocíos y en rincones por afayar, más allá de los grandes iconos turísticos, coles mires de contribuyir a la distribución de fluxos y a una mayor repartida territorial de la riqueza que xenera’l turismu.
La campaña, que va tener una amplia presencia mediática, inclúi paneles nel estand d’Asturies en Fitur y acciones de publicidá esterior en grandes redolaes urbanes, como la Gran Vía de Madrid. Tamién se va espublizar en medios dixitales, prensa y revistes, según en radiu y redes sociales.
.jpg)
.jpg)
.jpg)
.jpg)
