Asina va ser el gran festival d’Uviéu que preve superar los 20.000 asistentes: 50 «influencers» confirmen la so presencia. L’eventu, que va incluyir talleres, esposiciones y emisiones en directu aspira a llegar a más de 100 millones d’espectadores poles redes sociales. LNE / El Palaciu d’Esposiciones y Congresos Ciudad d’Uviéu va convertise del 20 al 22 de marzu de 2026 n’epicentru de la cultura dixital y fan cola primer edición de FanMedia Con, un festival de cultura fan que busca treslladar al espaciu físicu comunidaes nacíes n’internet. Inscripción nel eventu / Instagram / WEB
Creatividá, tecnoloxía, gastronomía, Geek y cultura Pop nun eventu únicu n’España.
La cita, sofitada pola conceyalía d’Hostelería, Turismu y Congresos, que dirixe Alfredo García Quintana, preve axuntar ente 17.000 y 20.000 visites mientres trés xornaes nel complexu diseñáu por Santiago Calatrava.
Llueñe del formatu de feria convencional, FanMedia Con propón, según los promotores, «una esperiencia híbrida» que combina alcuentros presenciales ente ceadores de conteníu y siguidores, emisiones en directu, charres, podcasts en vivu, talleres, esposiciones y actividaes participatives. La programación foi diseñada dende la perspectiva de los mesmos creadores y de la relación comuñal que caltienen coles sos audiencies, coles mires de reforzar el venceyu más allá de la pantalla. Pel momento, confirmaron la so presencia medio centenar de «influencers», que suman más de 102 millones de siguidores.
El festival aspira a rexuntar a públicos bien diversos. Van tener cabida siguidores del gaming y los eSports, aficionaos a la cultura geek, pop y audiovisual, interesaos en divulgación científica y tecnolóxica, cómic, cine o música, según quien entienden la gastronomía como una forma d’esperiencia cultural compartida. Mientres trés díes, Uviéu va asitiase nel mapa nacional de les nueves formes de creación y consumu cultural.
La exa central del eventu va ser l’alcuentru directu ente ceadores y públicu. Va baber grabaciones en directu, dinámiques conxuntes, competiciones de videoxuegos y esperiencies de realidá virtual, amás de propuestes gastronómiques tematizaes que van combinar tradición ya imaxinarios de la cultura popular. Tamién se van habilitar espacios pa xuegos de rol, xuegos de mesa y cartes coleccionables como Magic: The Gathering, xuntu a una zona dedicada a artesanos y ceadores venceyaos a la ilustración, la fantasía y la ciencia ficción.
El proyectu ta lideráu por The Corvus Cla, colectivu con más d’ocho millones de siguidores en plataformes dixitales, qu’actúa como motor conceptual del festival. L’eventu va cuntar con Daniel Fez como maestru de ceremonies y cola participación de más de mediu centenar de ceadores y divulgadores de primer nivel. FanMedia Con naz con vocación de continuidá, sofitada nuna plataforma dixital permanente que va caltener activa la comunidá antes y dempués de la cita presencial.
El Conceyu confía en que l’impactu turístico y cultural refuerce la proyección d’Uviéu como see estable de grandes eventos venceyaos a la creación dixital contemporanea nos próximos años
