L’amuesa combina obres d’autores consagraos con otres d’escolinos y estudiantes de Maxisteriu. TPA
‘Diálogos con Piñole. El vacíu’ ye’l nome de la esposición inaugurada güei nel muséu que recueye la obra del pintor xixonés. Combina obres d’autores consagraos con otres feches por escolinos y estudiantes de Maxisteriu. Xuntes quieren cavilgar sobre’l conceutu de «vacíu».
Artistes como Alejandro Mieres, José María Navascués, Carmen Calvo o María Jesús Rodríguez y, amás, Nicanor Piñole, participen nesta amuesa colectiva. Trabayos que son reinterpretaos, al traviés d’otros fechos de forma colaborativa.
D’esta miente establezse un diálogu ente unes obres y otres.
El conceutu de «vacíu» ye’l filu conductor d’esta esposición, entendiendo que se trata d’un elementu esencial en cualquier obra artística.
La esposición va poder visitase hasta’l 2 de marzu.
