L’Asociación Galbán cumple 25 años. Anguaño plantégense dos grandes retos: quieren que s’implante n’Asturies un programa para llongures supervivientes, para ameyorar el control de les remortines físicu y psicolóxicu, y tamién, ampliar los cuidaos paliativos pediátricos. Apuesta pol afitatamientu d’un programa pa llargos supervivientes y ampliar los cuidaos paliativos pediátricos. ASOCIACIÓN GALBÁN / Ig /Facebook / CORRE CON GALBÁN 2026
La 8ª Marcha Solidaria “Cuerre con Galbán” va celebrase’l DOMINGU 22 DE FEBRERU DE 2026 a les 12,00 hores simultáneamente nos 78 conceyos del Principáu d’Asturies. Los oxetivos de l’Asociación Galbán con esti eventu son: Visibilizar la llucha contra’l cáncer infantil y Destinar lo recaldao a proyectos d’investigación sobro’l cáncer infantil.
Esti añu plantéguense dos grandes retos: quieren que s’afite n’Asturies un programa pa llargos supervivientes, pa meyorar el control de les secueles físiques y psicolóxiques, y tamién, ampliar los cuidaos paliativos pediátricos.
Va 13 años qu’a Darío Rodríguez, a los 17, diagnosticáron-y un tumor cerebral. Tien visión doble, por mor d’ún de los tratamientos, pero esmolez-y que les secueles vayan a más.
Dende l’Asociación Galbán defenden qu’Asturies cunte con un programa pa llargos supervivientes de cáncer, como’l qu’hai, señalen, en nueve grandes hospitales españoles. Apuesten por siguimientu total dempués del alta médica, con control de les probables secueles, recayíes y coordinación ente atención primaria y especializada.
Reclamen mayor financiación pa les nueves terapies de cáncer infantil, una enfermedá rara.
Una de les investigaciones que financia Galbán céntrase na lleucemia linfoblástica aguda, el 30 por cientu de los casos.
Confíen tamién en qu’esti añu medren los cuidaos paliativos.
Galbán cunta con ocho trabayadores, y munchos voluntarios, qu’atienden a más de 280 families.
