La organización ONCE rinde homenaxe a la bioquímica asturiana. El Comercio
La organización rinde asina homenaxe a la bioquímica asturiana, dientro de la serie ‘Muyeres con Ciencia’. Trátase d’una iniciativa en collaboración cola Real Academia de Ciencies d’España.
Borja Sánchez, Lucía Viñuelas, María Ángeles Gil, Yobanka Cuervu y Marta Margor, mientres la presentación del cupón. Cinco millones y mediu de cupones del ONCE van llevar la cara y, poro, la trayectoria de Margarita Salas por toa España’l próximu sábadu 24 de xineru.
Yobanka Cuervu, delegada del ONCE n’Asturies, presentó güei el cupón, acompañada de Marta Malgor, presidenta del Conseyu Territorial del ONCE n’Asturies; Borja Sánchez, Conseyeru de Ciencia, Industria y Empléu del Principáu d’Asturies; Lucía Viñuela, fía de Margarita Salas y presidenta de la fundación que lleva’l so nome y la matemática María Ángeles Gil, de la Real Academia de Ciencies.
ONCE. Organización Nacional de Ciegos Españoles
asturias@once.es / https://www.once.es / Teléfonu: 985 213 078 / 985 208 141
Cai/ Campumanes, nº 5. 33008. Uviéu, Asturies.
Foi María Ángeles Gil, ello ye que la encargada de recordar la figura de Margarita Salas (Canero, Asturies, 30 de payares de 1938-Madrid, 7 de payares de 2019), discípula de Severo Ochoa. Llicenciada en Ciencies Químiques, foi y sigue siendo un referencia de la ciencia n’España, enfrentándose, ente otros munches torgues, a l’absoluta ausencia de muyeres nesi ámbitu.
Tres el so pasu por EE UU, en 1967 torna a España onde empieza una investigación pionera nel campu de la bioloxía molecular: el fago (virus qu’infecta bacteries) conocíu como Phi29, que tien múltiples aplicaciones biotecnológicas por cuenta de la so peralta capacidá d’amplificación del ADN. Dase la circunstancia de qu’Asturies acaba de poner en marcha una innovadora fagoteca pa la llucha contra les bacteries resistentes a los antibióticos.
María Ángeles Gil tuvo oportunidá de lleer unes palabres del discípulu de Salas más reconocíu: Carlos López Otín, quien yá enantes calificara a Salas como «iconu», especialmente pa les muyeres que deseyen dedicase a la investigación científica. Nes palabres que lu dedicó güei tamién recordó esi papel fundamental na enseñanza de la ciencia.
Pela so parte, el conseyeru de Ciencia, Borja Sánchez, destacó la importancia de «visibilizar a los nuesos referentes», y nesti casu, el fechu d’ufiertar un modelu femenín pa siguir rompiendo les fiendes qu’entá hai nes carreres científiques. Sánchez repitió’l compromisu del Principáu de que «la nuesa política de promoción económica y social de futuru tea basada na ciencia y l’innovación».
La serie ‘Muyeres con Ciencia’, de la ONCE, pretende destacar y dar a conocer a aquelles muyeres que tienen y tuvieron relevancia na ciencia y l’investigación. Esti homenaxe componse d’académiques de la Real Academia de Ciencies Esactes, Físiques y Naturales d’España, pioneres nos sos campos y na sociedá polo xeneral, yá que hasta 1988 nun se nomó a la primer académica (Margarita Salas) y hasta 2012 solo había dos académiques numeraries, exerciciu nel que tomó posesión Ana María Crespo de les Cases, actual presidenta de la corporación.
