THE ASTURIANER N 75 /Título LATITUD 43
Autora ELENA BENITO Testu ELENA BENITO / ISABEL ALONSO
La segunda portada del añu fálanos de dos tierres
que se miren dende una ventana.
Un mesmu balcón, xeranios coloraos, madera gastada pol tiempu.
La escena repitir, invertida, como un reflexu que nun busca ser esactu.
Paez lo mesmo, pero nun lu ye.
Como los llugares que sentimos llar.
La ventana nun dixebra: sostien el tránsitu.
Ente dientro y fora, ente orixe y destín,
ente lo que se queda y lo qu’apriende a pertenecer.
La lluz entra y, con ella, la memoria,
la señardá, la imaxinación.
Un segundu llar ye eso:
un espeyu onde reconocese ensin sumir.
Dos tierres, Asturies y Cantabria, xuníes por una mesma llatitú: 43° Norte.
Xusto al sur del paralelu 43°, esa llínea imaxinaria que da títulu
a esti delicáu trabayu de papercut qu’alluma la portada de güei
y convídanos a asomarnos a un horizonte de necesaria esperanza.
Raigaños y flores.
El mesmu universu simbólicu qu’habita y representa les dos tierres de la so autora.
Elena Benitu, @elenabeart llicenciada en Belles Artes, na especialidá de diseñu gráficu y diseño Web.
Compatibiliza’l so llabor profesional cola creación artística, construyendo imaxes onde territoriu, memoria ya identidá dialoguen n’equilibriu
@theasturianer
#covermagazine
#culturanorteña
#papercutart
#collageartist
