Apaecen cuatro foques, una na sablera de Cadavedo: la Cepesma alerta de la posible llegada de más exemplares. Los animales, «bien nuevos», lleguen a les sableres «bien amenorgaos de fuerza y con grandes hipotermias», detalla Luis Laria. LNE / El Comercio
Al menos cuatro críes de foca gris, de menos de trés meses d’edá, atópense anguaño na mariña con problemes de salú, una circunstancia que, según guarda una estrecha relación coles dures condiciones del mar Cantábricu.
Asina lo esplicó Luis Laria, responsable de la Coordinadora para l’Estudiu de les Especies Marines (Cepesma), con see en Valdés, quien detalla qu’estos mozos exemplares d’Halichoerus grypus (nun s’informa del llugar para evitar curiosos que puedan fadiales) lleguen a les sableres «bien amenorgaos de fuerza y con grandes hipotermias» en realizando un llargu y esixente viaxe dende les isles Britániques.
Un desplazamientu que, xuníu a la envernada y a les baxes temperatures de l’agua, pon a la llende la capacidá de supervivencia d’animales tan nuevos. L’último d’estos casos rexistróse na sablera de Cadavedo, onde l’equipu de la coordinadora valdesana recoyó apocayá una d’estes críes para la so atención especializada. «Les condiciones del Cantábricu agora mesmu son bien dures y eso nótase especialmente n’animales tan pequenos», aportuna Laria.
Importante: nun tocala Dende’l colectivu conservacionista sorrayen la importancia de la collaboración ciudadana énte esti tipu d’afayos. Luis Laria recuerda que, si dalguna persona atopa una foca na sablera, nun tien d’intentar tocala nin devolvela al mar, y tien d’avisar de momentu al 112.
Luis Laria Cuando un ser como esti llega a la mariña cantábrica, la causa ye múltiple y munches muerren. Fai solo 2/3 meses que nacieron, mamaron de les sos madres ente 15/20 díes hasta que son abandonaes perdiendo la relación maternu filial y tienen que valise por si mesmes.
