14 capítulos nuevos de L’Abeya Maya n’asturianu, que tamos doblando en Cuatro Gotes Producciones pa Radiotelevisión del Principado de Asturias.
Cap. 28 T.1 El suañu de Cascu
Cascu suaña con esnalar. Maya y Willy quieren ayudalu a que se llogre’l so suañu. Pero les coses nun salen como les planiaron. #AbeyaMayaAST
Cap 29 T.1 – El gran robu del polen
Ye la fiesta de la primavera, y Maya y Willy tán encantaos: el truébanu vecín va convidar al truébanu del prau a un tulipán enllenu de polen. Pero les aviéspores ataquen el convói, y Maya, cola ayuda de los amigos, van intentar recuperar el polen pol que tanto nagüen. #AbeyaMayaAST
Cap 30 T.1 – El xardín de Maya
Maya y Willy descubren una flor que da un néctar mui llambiono. ¡Pero namás queda una en prau! Maya decide polinizar la flor pa facer que bilten dalgunes más. #AbeyaMayaAST
Cap 31 T.1 – Maxi tien un refresquín
Maxi ta llocu por una gata mui guapa, y cola ayuda de Maya va querer facese amigu d’ella. Pero, de sópitu, la gata desapaez… ¡pa convertise en caparina! #AbeyaMayaAST
Cap 32 T.1 – Tecla tien mormera
Tecla ta malina, pero naide s’atreve a averase a ella. Maya siéntelo por ella y decide ayudala, y entrúga-y a la Reina si pue da-y propoleu pa curala, pero la Reina niégase. Maya va tener qu’atopar la manera d’ayudala ella sola. #AbeyaMayaAST
Cap 33 T.1 – El conciertu
Pa una fiesta, la Reina quier ver a aquel babarón tan famosu al que Flip acompañaba al cantar. Maya decide dir a buscalu. Pero resulta que’l babarón yá nun quier cantar… #AbeyaMayaAST
Cap 34 T.1 – Maxi nun pega los güeyos
Maxi nun ye a apegar los güeyos. Hai daqué que mete munchu ruíu nes sos galeríes. Maya, Flip y Willy salen a esplorar, y descubren un mundu soterrañu que nun conocíen. #AbeyaMayaAST
Cap 35 T.1 – Una aviéspora mui simpática
Maya y Willy conocen unes aviéspores que son mui distintes de les otres… Vesper namórase de Beatriz y Maya decide ayudalu. #AbeyaMayaAST
Cap 36 T.1 – Willy cambia de casa
El xuez Bonacera decide que’l truébanu quedó pequeñu pa tantes abeyes: dalgunes van tener que mudase y atopar un truébanu nuevu. A Willy escuéyenlu pa marchar… Maya dase cuenta rápido de que pue perder al so meyor amigu y decide facer cambiar d’idea al xuez Bonacera.
Cap 37 T.1 – El tiempu a la carta
Llara faise que ye quien a facer camudar el tiempu, pero en realidá va lleendo señales na naturaleza. Llueu va decatase de que les sos habilidaes interesen a los otros insectos del prau… Pero Maya descubre l’engañu. #AbeyaMayaAST
Cap 38 T.1 – Sigui a esi güevu
Maya y los amigos atopen un güevu. Nun saben d’ónde vien nin de qué animal ye. Maya decide buscar el nial primero de que salga del cascarón. #AbeyaMayaAST
Cap 39 T.1 – En busca de la boñica perdida
Nel conoz a Rudy, otru escarabayu peloteru, y ún a otru desafíense a facer la bola de boñica más guapa que nunca se viere. #AbeyaMayaAST
Cap 40 T.1 – La reina del eclipse solar
Los nuestros insectos ven un eclipse pela primer vez. Nel truébanu cunde’l pánicu. Maya, que conoz mui bien el prau, va ayudar a los otros insectos a organizase. #AbeyaMayaAST
Cap 41 T.1 – La cabaña d’Aique
Una formiga lleón ataca la colonia de les formigues. Maya y Willy ayúdenles a poner los güevos a salvu na cabaña secreta d’Aique, una formiguina que ye distinta de les otres. #AbeyaMayaAST
Cap 42 T.1 – La nacencia de Maya
Primer parte d’un capítulu doble sobre’l nacimientu de Maya, cómo descubrió la vida nel truébanu, la organización dientro d’él, cómo se fixo amiga de Willy y Flip. Ensiguida Maya va conocer el prau y la lliberta qu’hai nél. #AbeyaMayaAST
