La estación meteorolóxica de Colunga rexistró’l martes 26,9 ºC a les 14:10 hores siendo la séptima máxima más alta de tola España peninsular ente toles estaciones que tien partíes AEMET. Pero destacaron tamién los 26,2 ºC de Mieres y Piloña o los 26 ºC d’Uviéu ente otres munches poblaciones. Foi xuna xornada totalmente anómala cuidao que se rexistraron unes temperatures bien percima de lo esperao pa estes feches. El miércoles prevese un tiempu estable pero les temperatures van baxar.
Nun va faer fríu pero tampoco la sensación templada del martes. Hasta 5 o 6 ºC menos que se van anotar na zona centro d’Asturies, y hasta 3 o 4 ºC menos nel restu salvu nel cordal onde apenes van variar al respective de les rexistraes el martes. En cuanto al estáu de los cielos, prevense intervalos de nubes altes sobremanera na primer parte del día. A lo llargo de la tarde vamos reparar como les nubes dirán estenándose y los cielos van acabar prácticamente estenos. Los vientos van soplar de sur moderaos pero van acabar siendo fluexos y variables a partir de la tarde.
El xueves vamos esfrutar de cielos soleyeros en toa Asturies acompañáu d’un ascensu llixeru de les temperatures, namá, na metá occidental.
