Les peñes prepararen los 35 ardiluxos del tradicional Descensu de Galiana so la temática ‘Les Mil y un Antroxu, un viaxe nel desiertu’.
L’Antroxu empieza en naves como esta, onde madera, cartón y poliespán axúntense nes meses, y onde trabayu y contentu van de la mano asegura Daniel Rogel, de la Peña Arrexuntaos.
Les peñes que van participar per primer vegada nel descensu, apuesten pola creatividá como estratexa p’atrapar al espectador y al xuráu señala Raquel Pan, de la Peña L’áticu.
L’ésitu de los ardiluxos tamién anicia la collaboración interxeneracional, y el llabor colectivu apunten Anselmo Valle, de la Peña Abuelo Anselmo; y Eduardo Piniellanos, de Los Piniellanos.
Los preparativos del Antroxu tamién s’estiende a la mesma ciudá, onde hoteles y restauranes yá atropen reserves esplica Yolanda Alonso, conceyala de festexos del Ayuntamientu d’Avilés.
Nesta edición participen 35 ardiluxos que van salir el sábadu 14 de febreru a les 12h de la mañana, nel «ascensu del descensu”, dende’l Parque del Muelle hasta’l colexu Palacio Valdés. Pela tarde, a les seis, van salir de la parte alta de la cai Galiana hasta la plaza d’España, nel tradicional descensu fluvial onde la espluma va ser la protagonista.
