- Los establecimientos inxertos na campaña medraron un 70%. Actualidá
En malapenes 24 hores n’Asturies vendiéronse 300 bonos de turismu rural. El Principáu púnxolos ayeri a la venta dempués del éxitu del añu pasáu.
Los establecimientos inxertos na campaña medraron un 70%.
La Conseyería de Turismu velos como una pieza clave nel impulsu del turismu rural de los últimos meses. L’oxetivu ye la desestacionalización.
Los bonos cuesten al usuariu 75 euros, el restu págalu’l gobiernu autonómicu, y déxase esfrutalos n’iviernu, seronda y primavera menos la selmana santa y la ponte del 1 de mayu.
En RPA, la conseyera Gimena Llamedo destacó qu’una de cada tres persones qu’escueyen.
Los bonos, que pueden descargase dende ayeri, van tar disponibles hasta que s’escosen. Van poder trocase hasta’l 31 d’avientu de 2026, coles esceiciones del 1 de mayu, Xueves y Vienres Santu, y el periodu entendíu ente’l 1 de xunetu y el 15 de setiembre.
Esti sector, líder del turismu rural na España Verde —formada per Asturies, Galicia, Cantabria y el País Vascu—, destaca pola so ufierta d’ecoturismo, la so biodiversidá y el so enfoque sostenible, y constitúi una de les señes d’identidá del turismu asturianu.
