Va ser un día estable sacantes les posibles precipitaciones que van poder tener llugar de primeres y a la fin de la xornada. Vamos amanecer con nubes y posibilidá de dellos bastios que van poder dexar nieve solo en cotes bien altes (percima de los 2000 metros). Esta inestabilidá va unviar rápido mientres la mañana al par que la nubosidá va ser cada vez menos compacta. Nun se refuga l’apertura de delles escamplaes o, sía que non, prevense intervalos de nubes altes insignificantes a lo sumo. Asina vamos siguir mientres lo que resta de domingu salvu nel so tramu final cuando vuelva apaecer nubosidá que va dexar precipitaciones nel oeste, nel cordal, y de forma más esvalixada n’otros puntos.
Los vientos van soplar de suroeste con raches moderaes pos nun van aportar tan fuertes como les rexistraes estos díes tras. Les temperatures máximes van xubir hasta 4 o 5 ºC na metá sur asturiana, y de forma más llixera nel restu. Tocantes a les mínimes, l’ascensu va ser más significativu na metá occidental, hasta 4 ºC más que les del sábadu, ente que na metá oriental van xubir a lo sumo 2 o 3 ºC.
El llunes les precipitaciones van concentrase sobremanera nel oeste y nel sur del Principáu. Les temperatures llixeramente van baxar y los vientos volverán soplar con fuerza.
